Mir sind tüüf berührt vo dä grosse Ateilnahm, wo mir bim Abschied vo üsem herzensguete Martin "Tinli" Gemperli hend dörfe erfahre. Die viele Briefe hend eus zeigt, dass dä Tinli mit sim Humor, sine witzige Sprüch und sinere sensible und liebeswürdige Art vielne Mänsche öppis bedütet het. Mir danked vo Herze: - allne, wo durch ihri Teilnahm a de Truurfiir, durch Wort, Blueme, Spände für d’Krebsliga Schweiz oder für spötere Grabschmuck, wie au durch Briefe ihri Verbundeheit zum Usdruck bracht händ. - de Frau Pfarrerin Isabel Stuhlmann mit dä Organistin und Sigristin für die wunderbari Gstaltig vo dä Truurfiir. - de Spitex Mittleres Tösstal für die liebevolli Pfläg. - am OnPac Palliative Care Team für die warmherzigi medizinischi Begleitig. - am Dr. Hack und sim Team vo dä Onkologie KSW für die langjährigi und iifühlsami Betreuiig und Begleitig. - au danke mir üsne Familie, Fründe, Nachbare und allne, wo em Tinli i sim Läbe mit Achtig, Fründschaft und Liebi begegnet sind. - am Restaurant Bahnhof in Bauma für euri Gastfründschaft. Wila, im September 2026