Todesanzeigen, Traueranzeigen und Nachrufe in Uetendorf

Vo Härze bedanke mir üs für die vile liebe Zeiche bim Abschied vo üsem liebe Erwin Fahrni-Stegmann. Öii tröschtende Wort, härzliche Umarmige, grosszügige Gäudspände u di schöne Gschänkli gäbe üs Chraft i dere schwäre Zyt. Bsunders danke mir au dene Lüt, wo Erwin i sim Läbe mit Fründschaft u Respäkt begägnet sy. Uetendorf, im Septämber 2026

Von ganzem Herzen danken wir allen, die immer für Heidi da waren, sie auf ihrem Lebensweg begleitet und ihr etwas Gutes getan haben. Insbesondere bedanken wir uns bei dem Onkologie-Ärzteteam, dem Onkologie-Therapieteam sowie dem Pflegeteam A3 des Spitals Thun für die professionelle und herzliche Betreuung. Danke an die Mitarbeiterinnen der Spitex Stockhorn für die liebevolle Betreuung. Herzlichen Dank an die Palliative Care für die moralische Unterstützung.

Für die grossi Anteilnahm u die viele Zeiche vo Mitgfüehu u Fründschaft, wo mir bym Abschied vo üsem liebe Rösi Wälti-Zurbrügg hei dörfe erfahre. Bsunders danke mir: - aune, wo üs byr Organisation u Umsetzig vo der Abdankigsfyr u Beärdigung hei ungerstützt u so e schöne Abschied, ganz nach em Gschmack vom Rösi, hei ermöglicht, - am Onkologie-Team vom Spitau Thun u am Mobile Palliativdienst für die kompetenti u mönschlechi Begleitig, - a de Mitarbeitende vo de Altersheim Landblick Grosshöchstetten und Turmhuus Uetendorf für die liebevolle Betreuug, - au de Fründe, Verwandte, Nachbure u Bekannte, wo am Rösi i ihrem Läbe gueti Gspräch u schöni Momänte hei gschänkt, - für au die liebe Briefe, Charte, Wort u de Gäudspände, wo mir für Bluemeschmuck wärde bruche, dass es geng so ufem Grab usgseht, wie sich z'Rösi hätti gwünscht. Im Juni 2026

– du bisch für immer i üsem Härz. Mir si töif bewegt u überwäutiget wie viu Mönsche ihres Mitgfühl hei usgsproche und Ateil hei gno bim Abschied vo üsem gliebte Toni. Äs hiuft üs di Truur ztrage, we so viu Mönsche für eim da si u a eim dänke. Üse härzlich Dank giut am Pfarrer, Andreas Schibler, für die berührende u persönliche Wort ar Truurfiir und am Team vo In Memoria Bestattungen für di ifüäusami Begleitig und Unterstützung. Bsunders dankbar simer für die sehr liebevou gschribne Charte u die wunderschöne Blueme. Liebe Dank aune, wo sech mit üs erinneret, glachtet, grännet oder eifach a üs dänkt hei. Aui die gmeinsame Erinnerige verbinde üs uf nä ganz bsunderi Wiis. Äs isch ungloublech schön z’wüsse, dass dr Toni i so viune Läbe het Spure hingerlah und mir aui die gmeinsame Erläbnis mit ihm i üsem Härz witertrage.